A Resie si fâs fieste cuntun Carnevâl tradizionâl

Dai 17 ai 22 di Fevrâr si fâs fieste cul carnevâl rosean, cun musiche e bai tipics, laboratoris par adults e par fruts, cjaminadis, visitis ai museus e la pussibilitât di cerçâ i plats de tradizion. Lis fiestis a scomençaran vinars ai 17 cu lis premiazions dal concors creatîf “E tu che babaz sei?”. Sabide ai 18 al sarà pussibil viodi lis carateristichis Lipe Bile Maškire, mascaris tradizionâls di Carnevâl. Domenie ai 19 al è in program un cors di danzis roseanis, lunis ai 20 il Carnevâl dai fruts e miercus ai 22 il finiment des fiestis, cu la procession e il funerâl dal “babaz”. (A.I.) – 16.02.2023