168
In ocasion des Zornadis Europeanis dal Patrimoni, Italia Nostra, il Comun di Palme e la Associazion “Amici dei Bastioni” a organizin l’incuintri cun visite vuidade “Le Mura Veneziane di Palmanova” Sabide ai 24 des 9.30 di matine, di Puarte Udin e partirà une visite, vuidade dal Inzegnîr Massimo Lanza – dal studi che al à progjetât l’intervent – al sisteme des fortificazions venezianis e po dopo al cantîr di restaur di Baluardo Donato, dulà che a son daûr a doprâ il “Modon di Palme” creât propit par chest intervent: un modon ideât e fat, sot de sorevision de Sorintendence, daûr des stessis tecnichis di cuete e cui materiâi impleâts ae epoche di costruzion de Fuartece. (A.I.) – 22.09.2022
