Al ‘Bon’ si presente il Centri artistic pe infanzie

Sabide ai 14, aes 2.30 dopomisdì, zornade vierte al Teatri ‘Luigi Bon’ di Culugne pe presentazion dal Centri pe infanzie a direzion artistiche e musicâl. Un progjet unic e inovatîf, pai fruts dai 3 ai 6 agns, che al cjate la sô ispirazion intal “Metodo Reggio” e al à tant che caratar fondamentâl la integrazion de musiche e dai lengaçs espressîfs e artistics cu la educazion aes emozions e aes relazions. Un progjet costruît sul plasê de scuvierte par mantignî vîf la maravee dal cognossi. (A.I.) – 11.01.2023