Al è timp fin ai 31 di Març par presentâ la domande di amission al asîl nît a Udin

Il Comun di Udin al vise che lis domandis di amission pal servizi dal nît pal an educatîf 2023-2024 (inizi frecuence dal Prin di Setembar dal 2023) a van presentadis dal Prin di Fevrâr ai 31 di Març dal 2023 includûts.

 Lis fameis a podaran compilâ e presentâ la domande in linie li di cheste direzion web: www.comune.udine.it.

I gjenitôrs-tutôrs che a àn dificoltât a jentrâ te procedure in linie a puedin clamâ i uficis Comunâi di viâl Ungheria 15 des 8.30 aes 12.30 dal lunis al vinars a chescj numars: 0432 127 2576 – 127 2755. (A.D.G.) – 01.02.2023