Al “Palmanova Village” al è ancjemò Carnevâl

Ancje se al sarès finît za, il Palmanova Village si tenç dai colôrs e de ligrie dal Carnevâl intun avigniment dedicât a dute la famee: l’apontament sabide ai 25, des 3 dal dopomisdì, cul Carnevâl “Fun is in the land”. Si tache cu la sfilade pes viis des buteghis dal borc, cu lis vot compagniis dal Carnevâl Muglisan acompagnadis des bandis storichis dal Carnevâl. Po dopo, lis sfiladis dai grups alegorics di Grions ae Tor, Romans dal Lusinç, Colorêt di Prât e il Grup Medievâl Praclûs di Udin. Inmaneade in sinergjie cu la Associazion des Compagniis dal Carnevâl di Mugle, la Pro Loco di Tissan e Zenit Events, la zornade si sierarà cuntune fieste in musiche inte place centrâl dal borc. (A.I.) – 24.02.2023