Inte setemane dai 8 ai 12 di Mai la societât Sistema Sosta e Mobilità (SSM) di Udin e inviarà la gnove gjestion de fermade a paiament a Tumieç. In chescj dîs a son in vie di sostituzion i parchimetris che a restaran cuvierts fin ae jentrade in funzion previodude pal principi de setemane prossime. In chest periodi transitori curt, si che duncje, in assence o no funzionament dal parchimetri, la fermade intai spazis delimitâts des strichis blu e je consintude e e je gratuite.
A son stâts individuâts gnûfs puescj a paiament intal centri citadin: aes zonis là che e jere previodude za la fermade cun ticket, a son stadis zontadis lis viis Linussio (plan rialçât devant dal palaç de Regjon e vie dal Tintore) e Raimondo della Torre. Pe fermade di 30 minûts a varan di jessi paiâts 50 centesims, 1 euro invezit la tarife orarie. (A.D.G.) – 05.05.2023
