Ancjemò musiche te Centrâl di Malnîs

A son trê i ultins apontaments in program par “Centrâl Sonore” inte ex Centrâl idroeletriche di Malnîs, un laboratori di inovazion che al continue a rapresentâ un lûc di trasformazion e di rinassite. Il prin apontament, vinars ai 13, al à il titul “Audible landscapes for unforeseeable cities” e e je une composizion musicâl par cure di Theuth Alert – Performing Arts, cun Felice Colucci e Enrico Sesselego: une riflession su la impuartance de sielte par vuidâ e condizionâ l’avignî. Si va indevant sabide ai 14 cu la conte musicâl “Enumerant”, un “viaç inte pôre dal infinît” inricjît de narazion di Rosaria Stellacci. La rassegne si siere ai 22 di Dicembar cun “In-finiti canoni”, sottitulât “La musiche e ven a lezion”, un avigniment di “vôs e struments, public e cualchi peraule”. (A.I.) – 12.12.2024