Al vierç vinars ai 27 a Aquilee, tal cors Gramsci, il gnûf parc ludic sensoriâl CREAttivo #4. Un spazi sugjestîf, pensât par cambiâ la muse di une aree verde intal cûr de citât, dulà che comunitât e fameis a podaran preseâ la cubiade tra il zûc e la relazion cul mosaic contemporani. Ideât e diret di Sabrina Zannier, prodot di Maravee Projects, “CREAttivo #4 – Art e Imprese Fvj in Cjamin“ al segne un percors di valence no dome culturâl, ma ancje urbanistiche e educative. Ispirâts ai motîfs gjeometrics dal paviment presint inte Domus di Tito Macro, i mosaics de francese Pauline Debuchy a colorin i mûrs realizâts di Legnolandia. La scree e sarà animade dal rap di Dj Tubet e dai balets di Axis Danza di Udin e Gurize. (A.I.) – 26.10.2023
Foto di A. Buldrin
