Buri, la aghe de roie e torne in dut il paîs

La aghe de roie, dopo vê passât za a principi dal an Vicinâl e jessi rivade a Buri e Cjaminet, e torne a bagnâ tal ultin ancje Cjamin. Dut merit dai lavôrs di manutenzion finanziâts par plui o mancul 48 mil euros de Regjon F-Vj sui intervents di manutenzion ordenarie. Aprovâts de Zonte comunâl ae fin di Setembar 2023 e fats de dite Imer di Colorêt di Montalban, i lavôrs a àn previodût la pulizie dal jet e des spuindis de roie, il rifasiment di cualchi manufat di ciment e di fier. “I citadins a son propit contents – al è il coment dal sindic Eliano Bassi -. Di timp a spietavin di viodi rivâ la aghe, che e rapresente, di simpri, un element distintîf naturâl e storic de nestre comunitât”. (A.I.) – 07.02.2024