Buteghis di paîs in crisi, un incuintri a Buri

Une ocasion di confront sul cumierç locâl, ma ancje une sorprese par Buri anunziade dai organizadôrs e che e sarà pandude intal cors de serade. “La via del tiglio”, un grup di dîs aziendis dal paîs, al promôf par lunis ai 27 inte Vinarie Tami in vie Rome a Buri, tacant des 6 di sere, la cunvigne: “Ativitât di vicinât: une risorse pai nestris centris storics”. Al incuintri ancje l’assessôr regjonâl aes Ativitâts produtivis Sergio Bini, il sindic Eliano Basso e Filippo Meroi, cuntune buteghe a Buri e responsabil dal grup “La via del tiglio”, che al vûl soredut pontâ “il rûl strategjic, di grant valôr sociâl, che a àn vût lis buteghis dai centris storics dilunc de pandemie e che vuê però a fasin fature a mantignî”. (A.I.) – 23.02.2023