Intai ultins 20 agns a son calâts in maniere impuartante i incidents stradâi e soredut il numar di muarts. Intal cors de cunvigne “Unîts pe sigurece stradâl, frenìn in timp”, ospitât inte sede de Regjon di place Unità a Triest si è fevelât ancje di numars e in particolâr des autostradis dulà che i dâts a son incoragjants.
Distrazion, alte velocitât e vuide in stât di sturniment. A restin chescj i motîfs principâi ae base dai incidents stradâi. Il trend dut câs al è stât positîf che intai ultins 20 agns il câl di muarts al è stât impuartant, cemût che al è vignût sù intal cors de cunvigne inmaneade di “Bm sport and drive” in colaborazion cu la Comission europeane. Intal cors dal incuintri si è fevelât ancje de rêt autostradâl gjestide de societât Alto Adriatico cu la prime jessude uficiâl dal gnûf president.
La Regjon e ponte invezit in maniere fuarte su la creazion di plui “zonis 30”. (a.d.g.) – 19.10.23
