‘Cercis’ di culture in cantine

Cuant che une cantine e cjate une librarie, il risultât al è un glut di culture di condividi. La colaborazion tra la cantine Canus di Gramoian (comun di Cuar di Rosacis) e la librarie Lovat e à puartât ae rassegne enoculturâl “Di libro in vigna”, che e previôt cuatri apontaments su la terace de cantine, di Mai fint a Otubar, simpri la joibe aes 6 dal dopomisdì. In program une conversazion suntun libri in presince dal autôr in dialic cuntun gjornalist, acompagnâts di un aperitîf ufiert de cjase. Si scomence joibe ai 18 aes 6 dal dopomisdì cun Angelo Floramo e il so “Vino e libertà”, une vere topografie de anime. (A.I.) – 17.05.2023