Cine sot des stelis di 27 agns a Glemone

A Glemone al torne il Cine sot des stelis, la rassegne di cine al viert rivade aromai ae vincjesime setime edizion, fate de Cineteche dal Friûl in colaborazion cul Comun. L’apontament al è par ogni miercus di sere, dai 26 di Lui ai 30 di Avost, al Parc di vie Dante, o al Cinema Sociale in câs di brut timp, cun jentrade a ufierte libare. I cines in program a son pensâts soredut par un public di fameis e di zovins: daûr de tradizion, si scomence cuntun classic de Disney, “La spada nella roccia”, chest an ancje par celebrâ il centenari dai studis de Walt Disney. (A.I.) – 25.07.2023