Cjampfuarmit, un altri premi pal Mulin di Basandiele

Gnûf ricognossiment pal “Mulin di Basandiele”, il centri visitis dal Parc dal Cormôr a Cjampfuarmit. I è stade assegnade une menzon ae seconde edizion dal “Premio Nuova PA”, assegnât dal sisteme integrât Anci-Compa FVG pal teme “Servizis pai utents e digjitalizazion”. Cheste e je la motivazion: “Un câs interessant di ricualificazion e valorizazion di un edifici carateristic dal lûc di esperience ecologjiche e culturâl”. Vie pe cerimonie a Udin, inte Torate di Sante Marie de Confindustria, l’atestât e è stât dât fûr di Dorino Favot, president de Anci FVG, a Erika Furlani, la sindiche di Cjampfuarmit, e al so vice Christian Romanini. Nassût de volontât di valorizâ in forme inovative chel patrimoni di biodiversitât che a son i prâts stabii, il progjet di “comun amì des âfs” che al à cjatât il puest just tal Mulin di Basandiele, al à za vût cualchi premi in mancul di un an che al è viert. (A.I.) – 11.04.2024