130
L’ensemble vocâl e strumentâl “Andrea Palladio” di Vicence, formât di cjantants e strumentiscj cun esperiencis artistichis internazionâls e diret di Enrico Zanovello, al è il grant protagonist dal conciert in program inte basiliche di Sante Eufemie, a Grau, joibe ai 27 inte suaze dal cartelon inmaneât de Socoba, in colaborazion cu la Corâl polifoniche di Rude. Il grup al proponarà, al prin apontament di “Concierts in basiliche” fûr di Aquilee, musichis di Monteverdi, Dal Abac, Buxtehude e Vivaldi. (A.I.) – 26.07.2023
