Cuant che la citât di Tisane e jere cun Gurize

A Tisane e torne “Rifletôrs sul Nord-Est”, la rassegne leterarie di confin, rivade ae sô setime edizion, nassude inte suaze dal Premi leterari internazionâl “Latisana per il Nord-Est”, cun scritôrs di innomine che a cjatin il public in apontaments dedicâts ae coletivitât, o pensâts di pueste pes scuelis. Il prin apontament cu la edizion 2025 pal public al è a teme storic: miercus ai 26 aes 6 dopomisdì inte Sale Conferencis dal Centri Polifunzionâl, il ricercjadôr Tommaso Vidal al tignarà une Conference su “Gurize e Tisane inte Ete di mieç”, ricostruint la cundizion particolâr “extra teritoriâl” di Tisane, di fat gurizane ma dentri dal Patriarcjât di Aquilee. (A.I.) – 25.02.2025