La stagjon e je ripartide ancje te isule di Barbane. Cuntune cerimonie religjose, di fat, al è ripartît il periodi dai pelegrinaçs al santuari marian inte lagune di Grau, un di chei plui antîcs tal mont. La messe e je stade celebrade dal plevan di Grau, bonsignôr Paolo Nutarelli, e concelebrade dal bonsignôr vicjari Mauro Belletti e di altris sacerdots e fraris de comunitât. Ae fin li dal imbarcjadôr, la cerimonie di alcebandiere.
A jerin presints il vicesindic, Roberto Borsatti, e i rapresentants dai Carabinîrs, de Cjapitanarie di Puart, de Marine Militâr, de Associazion Marinârs di Italie di là dai Puartadôrs de Madone di Barbane, la associazion canotîrs “Ausonia” e la associazion “Araldi Cavalieri Custodi della Cappella Madre della Riconciliazione” di Triest, intune cun tancj fedêi e turiscj. (R.C.) – 28.03.2023
