Fincantieri al vierç a Monfalcon un secont asîl nît aziendâl

A distance di un an de inaugurazion di “Fincantesimo”, il prin asîl nît aziendâl di Fincantieri, il Grup al anunzie che al vierzarà tal Otubar dal 2023 une seconde struture a Monfalcon, intune ale dal ex Albierc Operai, lûc simbolic dal leam storic di Fincantieri cul teritori.

L’asîl al podarà dâ acet a regjim a 34 fruts, sedi fîs di dipendents Fincantieri che di lavoradôrs dal teritori. Il cost dal servizi pai fîs dai dipendents al sarà a cjame de aziende, fate salve une rete mensîl, diferenziade secont lis fassis ISEE, che e vignarà sostignude dai gjenitôrs dai fruts acetâts intes struturis. (A.D.G.) – 21.03.2023