Fossalon: un avignî di gnove agriculture e turisim

Fâ deventâ Fossalon di Grau un centri ancjemò plui atîf pe agriculture, il turisim lunc e i servizis pe comunitât. Al è l’intindiment de Legacoop dal F-Vj che, in colaborazion cu la aministrazion comunâl, e à organizât par miercus ai 23, aes 5 dopomisdì intal Centri visitis de Risierve naturâl regjonâl de Val Cavanata a Fossalon, une cunvigne dal titul “Giornata aperta per Mar e Tiaris”. L’obietîf al è chel di cjapâ dentri i citadins, soredut i zovins, intal progjet di cooperazion pal disvilup teritoriâl che si concentre suntun teritori che al partìs dal mâr (“Mar” in gradesan) e si slargje aes tieris ator. Il fin de iniziative, che e viôt Legacoop F-Vj in prime linie, al è chel di valorizâ lis risorsis ambientâls, culturâls, archeologjichis e paisagjistichis, promovint une marche dal teritori che e sedi buine di supuartâ la produzion locâl e un turisim lent e sostignibil. (A.I.) – 22.10.2024