Furlans simpri pronts a dâ une man

Furlans gjenerôs cuant che si trate di judâ cui che al à bisugne. La iniziative “Dona la spesa per la scuola”, inmaneade a pro de onlus di Udine Hattiva Lab, inviade intai negozis di Coop Alleanza 3.0 di Udin, in vie Pradamano, e di Cividât, e à permetût intune zornade di tirâ su’ passe doi mil euros di materiâl di cancelarie, come penis, cuaders, lapis, penarei e altri.

“Ce che o vin cjapât su’ – e à dit Paola Benin, presidente de cooperative sociâl – al sarà dât a gratis aes fameis in dificoltât e aes organizazions dal nestri teritori che a judin i fruts e i fantats che a àn bisugne”. (a.d.g.) – 02.10.2024