“Scopri Casarsa. Vivi la Delizia” e je la gnove identitât pe valorizazion e promozion dal turisim de citât di Cjasarse, che la sô marche e il video a son stâts mostrâts sabide ai 19 di Otubar inte sale dal Consei di palaç Burovich de Zmajevich. Inte stesse ocasion e je stade screade la gnove manifestazion “Giro a Casarsa della Delizia”, che al a’ une schirie di events e iniziativis sparniçadis su dut il teritori comunâl dilunc di dôs zornadis. In dut 25 apontaments par ducj i guscj e lis etâts.
La marche che e cjape in maniere moderne la C di Cjasarse e e zuie sul tiermin Delizia che al è intal non dal Comun, si zonte al video che al à ancje ripresis fatis dal alt, come che a àn spleât il sindic Claudio Colussi, l’assessôr al Turisim Cristina Gallo e l’assessôr aes Ativitâts produtivis Paola Zia. A jerin presints ancje i Conseîrs regjonâi Markus Maurmair e Lucia Buna. (a.d.g.) – 23.10.2024
