Grau, la capitâl dal “fradi piçul” dal flaut

Plui che di festival di “otavin”, chel piçul strument a flât che Arturo Toscanini al definive “balarin”, tante e je la dificoltât a domeâlu, si pues fevelâ pardabon di un event che di nûf agns in ca al viôt Grau deventâ un baricentri internazionâl. La novesime edizion dal “International Piccolo Festival”, che e zire ator dal “fradi piçul” dal flaut, e puarte di martars ai 4 a sabide ai 8 diviers specialiscj dal strument, tant che Nicola Mazzanti, ma ancje lezions di musiche e cunvignis, di là dai concierts in Basiliche e, inte serade di viertidure, li dal Auditorium Marin. (A.I.) – 03.07.2023