Identitât a taule: un festival par sielzi la miôr broade

E torne une des garis plui curiosis in Friûl: chê de broade. La edizion numar 12 dal so festival si tignarà domenie ai 19 di Fevrâr li dal bar “da Gianna” di Feletis di Bicinins. Ducj chei che a àn passion par meti sot trape i rauçs in cjase a podin iscrivisi dentri de zornade prime. Une zurie e fasarà l’esam, cjapant sot voli (nâs e bocje) la broade a crût, secont une precise schirie di carateristichis. In ultin a saran trê i rauçs prins in classifiche a cjapâ un premi. A fin zornade e sarà ancje une cene, li che ducj a podaran partecipâ se si notin par timp (tel. 0432 990109 o il numar di Alberto Masini 329 8299579). (r.c.)