6
A van indevant i apontaments cul festival itinerant “Cine di Famee”, inmaneât di Belka Media e ospitât chest an dal comun di Cjampfuarmit. Vinars ai 22 aes 8.30 sot sere tal Mulin di Basandiele si torne indaûr a un timp – nancje masse lontan – cuant che cjapâ alc cuntune cineprese “domestiche” e jere une sorte di rituâl: un timp che vuê al somee cetant lontan. Il progjet creât intal 2012 di Massimo Garlatti-Costa e Elisabetta Ursella al valorize e al promôf la culture dal filmât amatoriâl in pelicule fat dal dopovuere fint ai agns Setante. (A.I.) – 21.11.2024
