Il martars a Pordenon al è il dì de poesie

A Pordenon al torne martedìpoesia, il sest dai vot incuintris che Roberto Cescon e Alessandro Canzian a inmanein inte Sale Ellero de Fondazione Pordenonelegge.it par meti in relazion cul lavôr poetic lis grandis cuistions dal dì di vuê. Il teme dal incuintri di martars ai 3 di Otubar al sarà la lenghe e l’apontament al sarà silabât di trê moments. Intal prin intervent, Rodolfo Zucco al fevelarà cun Cescon de lenghe di plui ponts di viste. Intal secont, Gian Maria Villalta al fevelarà di Andrea Zanzotto e dal so rapuart cu la lenghe, no dome dialetâl. Par sierâ, Marco Carretta, Alessandra Raffin e Marco Todoverto a leiaran i lôr viers. (A.I.) – 02.10.2023