Il premi leterari ‘a tapis’ al tache di Rude

Al parc des fiestis di Rude, joibe ai 20, il cjantautôr e scritôr Rocco Burtone al presente la prime serade de seconde edizion dal premi leterari ‘a tapis’ intitulât “La storia che non c’è”. Une formule gnove che e puarte i scritôrs a confrontâsi cun se e cul public, metint in zûc la lôr professionalitât, scrivint cuasi in direte une conte dilunc di un conciert. La prime tape tra musiche e leterature e viodarà Burtone dialogâ cui scritôrs Antonella Favaro e Mauro Tonino, prime dal conciert dai Yerba Buena. Lis altris tapis a Flum Venit, Udin, Tresesin e Cuar di Rosacis. (A.I.) – 19.07.2023