Il sigjîl de citât di Udin al chef Scarello

Sigjîl de citât di Udin al chef stelât Emanuele Scarello. Il Comun, cul sindic Pietro Fontanini, i assessôrs Maurizio Franz e Fabrizio Cigolot e il conseîr Paolo Pizzocaro, cheste matine a Palaç Di Arconco, al à assegnât il ricognossiment prestigjôs “in segn di agrât e ricognossince par vê savût esaltâ e fâ cognossi, cu la sô art culinarie, i prodots e i valôrs de tiere furlane intal mont”.

Scarello, chef dal ristorant dôs stelis Michelin “Agli amici” di Godie, al à sotlineât il savôr “speciâl e unic” dal premi. “E je une braùre grande e, tal stes timp, une responsabilitât, parcè che o vin di cirî simpri di miorâsi, ogni dì”. (ADG) – 28.11.2022