Incuintris su la educazion tal teatri “Bon”

Tal Teatri “Bon” di Culugne, sabide ai 15 si ten il secont apontament dai incuintris su la educazion inmaneâts de Scuele de infanzie Citât de Art e de Musiche – Fondazion “Luigi Bon”. “Corpo come relazione” (Cuarp tant che relazion) al è il titul de cunvigne che si fasarà la matine e che chest an e darà ancjemò plui spazi al dialic tra insegnants, educadôrs e ducj i partecipants interessâts aes tematichis de educazion. La session di intervents e racueiarà cualchi esperience educative de Scuele de infanzie de Citât de Art e de Musiche e di chê di Prate di Pordenon, dutis i dôs impegnadis intun percors di formazion cun “Reggio Children”. Il spetacul conclusîf de compagnie Playback Theatre F-Vj vuidade di Isabele Peghin al sarà une ocasion par sclarî la potence comunicative dal cuarp cuntune forme di teatri interatîf che al met dongje conte, improvisazion e teatri sociâl. (A.I.) – 13.02.2025