Invistiments a Claut par colegaments turistics e forestâls

Al va indevant il procès di miorament des ufiertis turistichis e promozionâls dal alt cjanâl de Ciline e, in particolâr, dal Comun di Claut. Inte fin de setemane a son rivadis dôs comunicazions uficiâls su contribûts otignûts de aministrazion comunâl, par un impuart di 1,163 milions di euros. La prime opare che e podarà jessi completade cun chescj bêçs e je une piste par mountain bike cu la Cjargne, e il Fornês in particolâr. L’impuart concedût pai lavôrs al è di 533 mil euros. Il secont contribût de Regjon, simpri midiant la Comunitât di Mont, al è di 630 mil euros e al sarà doprât pal completament e il miorament de viabilitât forestâl, tignût cont che i boscs a son di impuartance vitâl par dute la comunitât. (ADG) – 13.09.2022