Guido De Michielis, president de 50&Più di Udin, la associazion dai pensionâts dal cumierç, al fevele di “sierade dal cercli”. A un an di distance dal principi dal acet dai prins rifugjâts ucrains inte residence I faggi de La Quiete, la pitore Ivana Burello e à donât une sô opare, “Lûs”, ae struture di assistence anzians, in segn di agrât par cetant fat a pro di personis colpidis dal conflit dramatic in cors aes puartis de Europe.
La cerimonie di consegne, cu la 50&Più che e à curât la part organizative, si è fate in presince di une delegazion di feminis ucrainis, di cualchi ospit de residence, de artiste, dal president De Michielis e dal conseîr Renato Marcigot, dal president di La Quiete Alberto Bertossi e dal assessôr comunâl ae Assistence sociâl Giovanni Barillari.
Il cuadri al è stât picjât inte sale polse de residence. Burello, cun di plui, e donarà une seconde opare ai fruts che, simpri intai locâi di I faggi, a son stats daûr des sôs lezions di dissen. (A.D.G.) – 03.03.2023
