Jentrâts in servizi i rinfuarçs des Vuardiis dal Fûc a Pordenon

Vuê a àn cjapât servizi al Comant des Vuardiis dal Fûc di Pordenon, dopo un lunc percors di formazion, 15 gnûfs pompîrs, 14 cu la cualifiche di Vuardie dal Fûc e une cun chê di Ispetôr antincendi.

I gnûfs rinfuarçs a permetaran di potenziâ il socors e lis ativitâts di control intal cjamp de prevenzion fûcs.

A dâur il benvignût cheste matine e ricuardâ a lôr la impuartance dal rûl de vuardie dal fûc inte societât, al è stât il comandant provinciâl, Matteo Carretto, intune cun dut il so personâl. (A.D.G.) – 03.04.2023