La art e je cence confins a Fare

“Art Without Borders”, un progjet che al viôt ae vuide il Comun di Fare, al va indevant cu la celebrazion de Fieste europeane de musiche, il stes dì dal solstizi di Istât. Miercus ai 21 inte tignude Villanova, aes 8 sot sere, la Associazion musicâl e culturâl di Fare e sarà in sene cui siei doi grups di musiche di insiemi: la Orchestre di arcs direte di Annalisa Clemente e il Farra ChitarrEnsemble diret di Mauro Pestel. La rassegne e larà indevant cul inviament di un laboratori di danze sportive viert a ducj, daûr dal spirt de rassegne: passâ lis frontieris fisichis, passâ pôris e prejudizis, diferencis di pinsîr e di credo. (A.I.) – 20.06.2023