La art tant che terapie pe disabilitât a Cividât

Par dôs setemanis, fint ai 24 di Setembar, intune trentine di buteghis di Cividât si cjate une schirie di oparis grafichis ispiradis ae Convenzion Onu sui dirits des personis cun disabilitâts, realizadis di un grup di artiscj fûr dal ordenari. I sîs autôrs dai manifescj, di fat, a son tocjâts di malatiis neuromuscolârs che a incidin in mût impuartant su la lôr autonomie, in particolâr par ce che al rivuarde i aspiets motoris e respiratoris. A dispiet di chest, a rivin a esprimi cun cualitât la proprie creativitât, ancje in graciis di un percors di terapie cu la art. Sabide ai 16, aes 4 dopomisdì li dal Palaç De Nordis, al è in program un avigniment viert al public cun ducj i artiscj che a àn lavorât. (A.I.) – 15.09.2023