A Platiscjis, dai 24 ai 26 di Mai, cul patrocini dal Comun di Taipane, si davuelzarà la cuinte edizion dal “Woodfolk Festival”, une rassegne di musichis e balets popolârs de tradizion europeane, inmaneât de Pro loco dal paîs, che e tire dongje passionâts di musiche ancje di fûr de regjon e fal forest. Vie pes passadis edizions a son stâts a sunâ e a balâ ancje grups di dute Europe e chest an, dongje di chei talians, si fasaran viodi artiscj de France, ancje cun struments stranis tant che l’Erhu, il violin cinês. No sarà dome musiche sunade dal vîf, ma ancje un laboratori di bal e un pensât a pueste pai fruts e lis lôr fameis, un piçul marcjât di artesanât e creativitât e il chiosc pal mangjâ e il bevi. (A.I.) – 23.05.2024
La tradizion e jentre tal bosc
136