La tragjedie dai alpins in Russie

A son passâts 80 agns dal 1943, cuant che e je scomençade la ritirade de campagne di Russie. Il Cuarp di armade alpin al contave 61 mil oms, ma dopo la bataie di Nikolaevka a forin a pene 13 mil, plui altris 7.500 ferîts o conzelâts: 40 mil a restarin indaûr, muarts inte nêf, dispierdûts o cjapâts dal nemì. Un libri publicât di Aviani al torne a memoreâ chê epopee: “Mandi Pais – La tragedia degli alpini in Russia”, scrit di Fabrizia Bosco e Anita Deganutti cuntun voli ae storie locâl. Lis autoris a saran joibe ai 20 aes 6.30 dal dopomisdì li de Vile Nachini Cabassi, a Cuar di Rosacis, par presentâ il lôr lavôr. Pe ocasion, al intervignarà il Gjenerâl di Cuarp di armade Bruno Petti, za comandant des trupis alpinis. (A.I.) – 19.04.2023