Al è Angelo Montanari il gnûf Retôr che al vuidarà la Universitât dal Friûl tai prossims sîs agns academics. Montanari al è il decim Retôr dal Ateneu furlan. Al è stât elet îr, ai 2 di Avrîl, ae seconde convocazion des votazions, con 329 vôts, intant che Fabiana Fusco, chel altri candidât, e à otignût 260 vôts.
Inte seconde votazion il candidât al veve di rivâ almancul al 40% dai vôts, ven a stâi 280 su 699. Lis schedis blancjis a son stadis 32. La afluence e je stade dal 84,47%, vâl a dî 963 che a àn votât sui 1.140 che a vevin dirit. Montanari al è professôr ordenari di Informatiche dal Dipartiment di Siencis matematichis, informatichis e fisichis e delegât dal Ateneu pe sede di Pordenon; al cjaparà il puest, dal prin di Otubar, di Roberto Pinton, dopo che e sarà rivade la nomine di bande dal Ministeri de Universitât e de Ricercje. (a.d.g.) – 03.04.2025
