Leturis a alte vôs par fruts a Monfalcon

Gnûfs apontaments, tacant di martars ai 4, cul cicli di incuintris dedicâts ai fruts e aes lôr fameis “Storie per stare insieme”, lis leturis a alte vôs proponudis de Biblioteche Comunâl di Monfalcon inte suaze dal progjet “Nati per leggere” e LeggiAMO 0-18 . I events a viodin, ancje in cheste edizion, la partecipazion dai volontaris dal grup Lettori in Cantiere e dai students dalIsis “Sandro Pertini”. Il gnûf calendari al da apontament a ducj i fruts dai 3 agns di etât aes 5 dopomisdì in Biblioteche par dut Otubar, ma ae fin dal mês a si previodin doi apontaments ancje pai plui piçui, sot dai 3 agns. (A.I.) – 03.10.2022