La Dirigjente scolastiche dal Istitût comprensîf di Puçui Elena Venturini e à confermât che, cun decret dal Ministeri de Istruzion e dal Merit, l’istitût al è stât titulât a pre Pierluigi Di Piazza cun cheste motivazion: “Fâ regâl a un om di culture profonde, docent, scritôr, gjornalist, educadôr, che al à dât une olme fuarte al teritori di riferiment dal Istitût comprensîf di Puçui intal segn dal acet, dal dialic, de legalitât, de justizie, de solidarietât, de promozion dai dirits umans, de no violence, de conversion ecologjiche”.
Il Centri Balducci al à savût cun grande emozion de gnove: “O volìn condividi in maniere publiche la ricognossince e la gjonde di cheste sielte che e ribat cun fuarce il don che Pierluigi al è stât ancje pe comunitât civîl e pal mont zovin, che lui si è spindût tant che predi, tant che educadôr, tant che om”. (A.D.G.) – 02.02.2023
