Marionetis intal parc dal municipi di S. Denêl

Joibe ai 18 aes 6 dopomisdì, il parc di Vile Serravallo, sede dal municipi di S. Denêl, al viodarà rivâ un public tant diviers dal solit. Sot de ombrene dai grancj arbui si movaran personaçs di len un tic stranis, che a puartaran i spetatôrs intal propri mont in miniature, dulà che lis proporzions si strassomein e cussì l’adult al torne frut. A son i protagoniscj di “Storie appese a un filo”, piçulis micro dramaturgjiis cun marionetis a fîi fatis di artesans, par cure di Gianluca Palma de compagnie romagnole All’Incirco Marionette e Burattini, ospits de seste e penultime tape de rassegne “Fila a Teatro sotto gli alberi”, inmaneade dal Molino Rosenkranz. (A.I.) – 17.07.2024