Muart Marco Felluga, un dai patriarcjis dal vin

Al è muart îr inte sô cjase a Gardiscje Marco Felluga, classe 1927, considerât un dai patriarcjis dal vin dal Friûl-Vignesie Julie, roncâr innomenât dal Cuei gurizan e erêt di une famee che e à fat la storie de viticulture inte nestre regjon.

Felluga al è ricuardat par vê tornât a dâ il lustri, tacant dal 1970, ai vins blancs de sô etichete e ancje par vê contribuît al rilanç dal Consorzio del Collio dilunc dai siei doi mandâts come president. (a.d.g.) – 03.04.2024