Museus a gratis a Aquilee pe presentazion di une gnove vuide

Sabide ai 15, aes 11 di matine, al Museu archeologjic nazionâl di Aquilee, presentazion de gnove vuide su lis maraveis de citât, scrite di Elena Commessatti e publicade di Odòs. “Aquileia una guida” e je une lungje conte cun cuatri sezions principâls e lis “Top 5”, ven a stâi i ‘Lûcs dal cûr’ di artiscj, gjornaliscj, scritôrs e vuidis turistichis che a àn vivût la citât o le vivin, par nassite o par adozion. In ocasion de presentazion, la jentrade al Museu archeologjic nazionâl e sarà a gratis dut il dì, il Museu paleocristian al sarà viert di matine e Aquilee e sarà animade di un program plen di visitis vuidadis a gratis par grancj e fruts. (A.I.) – 12.04.2023

Foto di G. Baronchelli