140
Une prime mondiâl pal conciert di scree dal calendari de trentesime seste edizion dai Cors internazionâi di perfezionament musicâl inmaneâts dal assessorât ae Culture dal Comun di Cividât e de associazion musicâl Sergio Gaggia, sot de direzion artistiche di Andrea Rucli. Martars al prin di Avost, intal Claustri dal Munistîr di Sante Marie in Val, e vignarà sunade une “Mozartiade” dedicade al gjeni di Salisburc: tra i ospits, il violinist di Sant Peterburc, Aylen Pritchin, e la violiste de Islande Asdis Valdimarsdottir, pe prime volte a Cividât. I incuintris di musiche di cjamare cheste an a saran 18, fint ai 15 di Avost intai puescj plui sugjestîfs de citât. (A.I.) – 31.07.2023
