Omaç al organist storic dal domo di S. Zuan di Cjasarse

Nonantecinc agns indaûr, ai 23 di Jugn dal 1928, al nasseve a S. Zuan di Cjasarse Giovanni Fabris, organist storic dal Domo locâl, muart intal 1976. Propit in cheste date, vinars ai 23, che e je ancje la vilie dal sant patron, si tignarà un dai avigniments plui impuartants de prime edizion dal “Festival Giovanni Fabris”. Al sarà sunât il “Vespro solenne per la Natività di San Giovanni Battista”, propit al orghin Zanin che lui al doprave, cu la Corâl Casarsese, l’Insieme vocale elastico e la Polifonica Friulana Jacopo Tomadini, acompagnâts de orchestre de Polifoniche. E sarà ancje la ocasion par riscuvierzi lis musichis che a son conservadis intai archivis dal Domo. (A.I.) – 22.06.2023