Pontebe e conte il so passât

La cunvigne titulade “Tracce del confine: la grande guerra” e la presentazion dal libri “Valcanale e Canal del Ferro: da nemiche ad esempio di integrazione” a inviaran joibe ai 10 lis tantis iniziativis previodudis intai teritoris dai comuns di Pontebe, Malborghet–Valbrune fin a Zenâr. La realizazion dal libri, che al à viodût il coinvolziment di dutis lis scuelis dal ples di Tarvis cul coordenament dal Istitût “I. Bachmann” e la sorevision dal storic e editôr Davide Tonazzi, e je part di un progjet tacât intal 2019. L’obietîf al è valorizâ la identitât de Valcjanâl e dal Cjanâl dal Fier, e lis tradizions leadis a strent ae storie e aes vicendis dal tripli confin talian, austriac e sloven. La presentazion aes 9.30 di matine al Cine Teatri Italia di Pontebe. (A.I.) – 09.11.2022