Sacîl capitâl dai sports estrems

Sacîl si prepare a dâ acet ai apassionâts di sports estrems pe gnove edizion dai “Xtreme Days”, in program dai 2 ai 4 di Jugn: il festival plui grant di sport freestyle e estrems in ambient urban de Italie. La manifestazion, ae sô otave edizion, si presente tant che un avigniment di spic intal panorame dai sports estrems, cu la partecipazion di atletis di innomine internazionâl e la ufierte di spetacui di gjavâ il flât. I apassionâts a podaran viodi tantis competizions di alt nivel, tant che skateboard, BMX, slackline freestyle, parkour e rimpinade estreme, là che i miôr atletis talians e internazionâi si sfidaran intune schirie di acrobaziis e evoluzions di sgrisui. (A.I.) – 11.05.2023