11
Screât a Cjasarse il prin Centri dal tornâ a doprâ de provincie di Pordenon. Il tai dal nastri al è stât fat sabide ai 23 di Novembar ae presince di une vore di autoritâts, che tra chês ancje i conseîrs regjonâi Markus Maurmair e Nicola Conficoni. La struture grande 600 metris cuadris e je stade fate dongje dal splaç ecologjic par un cost di 615 mil euros: 480 mil de Regjon dâts tal 2016, cuant che al è stât aprovât il progjet preliminâr e il rest de Aministrazion comunâl. I lavôrs e jerin finîts za tal 2020.
Il centri al sarà viert tacant dal 30 di Novembar, ogni sabide des 9 di matine a misdì par podê cjapâ su robe e de une e mieze aes cuatri e mieze dopomisdì par consegnâle. (a.d.g.) – 25.11.2024
