Par rindi plui sigûr il so sisteme informatic, la Comunità Piergiorgio onlus, cul jutori de Fondazione Friuli, e à cjolt un server gnûf che al sarà fondamentâl par protezi lis informazions e inte transizion digjitâl di dute la documentazion cumò conservade su la cjarte.
I server de Comunitât a lavorin pe sede di Udin e par chê di Cjanive in Cjargne, ma ancje pal teritori, parcè che a permetin di gjestî i procès internis (dai servizis infermieristics ai prestits dal Ufficio H, de aministrazion al salvament dai dâts e altri ancjemò) e di garantî la conession dai setôrs de Comunitât cul esterni.
“Cui gnûfs sistemis – al à dit Aldo Galante, president de Comunità Piergiorgio – o podarìn continuâ a garantî la sigurece dai dâts sanitaris e a ridusi ancje la straçarie di cjarte, fasint deventâ digjitai i documents”. (a.d.g.) – 18.04.2024
