Studiâ inte Universitât dal Friûl al conven

Cui che al studie inte Universitât dal Friûl al à tante plui probabilitât di cjatâ lavôr e di vuadagnâ ancje di plui a pet di altris ateneus. Chest dât al salte fûr dal ventesim sest rapuart Almalaurea pal 2022, che al à cjapat dentri 78 universitâts,il profîl di plui o mancul 300 mil laureâts e la cundizion di lavôr di altris 660 mil.
Daspò di un an dal titul di studi, i laureâts trienâi a son a vore pal 80,1% a pet dal 74,1 % de medie taliane, intant che la retribuzion medie par mês e je di 1.406 euros a pet dai 1.384 de medie gjenerâl.
Ancjemò miôr i dâts de lauree magjistrâl: dopo un an a son a vore il 83,3%, cuintri il 75,7% talian, ancje chescj cuntune paie plui alte.
Par finî, i laureâts magjistrâi a cinc agns de lauree a àn un tas di ocupazion che ju met al setim puest a nivel talian, ma a son al sest puest se si ten cont dal timp medi di jentrade tal marcjât dal lavôr: 3,4 mês a pet dai 4,9 dal rest dal Paîs.
“Ancje chest an i dâts Almalaurea a son une vore positîfs par no – al vise il retôr Roberto Pinton – e a confermin la fuarte atenzion dal mont dal lavôr pai nestris laureâts”. (a.d.g.) – 13.06.2024