Tai dai teis, il Tar al da reson al Comun

Ricors in part inamissibil, in part refudât. E je rivade cheste matine la sentence curte dal Tar sul ricors promovût di Legambiente che, adun cun cualchi citadin privât, e veve domandât propit al Tribunâl aministratîf regjonâl di blocâ, intal ambit dal progjet di ricualificazion di Polo Young, l’abatiment di 47 teis secolârs. In sostance il Tar al à acetât lis resons dal Comun di Pordenon.

A varessin di jessi a chest pont salfs i 20 milions di euros, par buine part finanziâts cui fonts dal Pnrr, di doprâ pal inviament dal cantîr inte ex Fiere di Pordenon. Legambiente e comitâts varis a àn za fat savê che a laran indenant in cheste bataie. (a.d.g.) – 05.02.2024