Thesis e inmanee trê incuintris sui disturps alimentârs

Cun trê incuintris titulâts “Jo no son un pês”, in program di miercus ai 10 a vinars ai 12 di Zenâr, e dedicâts ai disturps dal compuartament alimentâr, al torne il progjet “Uguali/Diversi”, promovût de associazion culturâl Thesis di Pordenon. Pal prin incuintri (miercus a S. Vît dal Tiliment intal auditorium dal liceu, vinars al Capitol di Pordenon e po dopo a Sacîl) al è previodût l’intervent di trê ospits: la psicolighe Giada Bastianello, che e fevelarà dai diviers gjenars di disturps di alimentazion, Orietta Dal Dan, presidente de Adao Fvg (Associazion disturps alimentârs e obesitât). A puartâ la sô testemoneance personâl ancje Chiara Toso, nassude in Friûl intal 1992, che e à scrit il libri “Il peso della perfezione. Una storia di dolore e riscatto” (“Il pês de perfezion. Une storie di dolôr e riscat”) par contâ la sô storie. (A.I.) – 09.01.2024